🚨 நேபாள வெள்ளத்தில் ஒரே குடும்பத்தைச் சேர்ந்த 6 பேர் மாயம்!

சென்னையில் உறவினர்கள் போராட்டம் – ஜிஎஸ்டி சாலையில் போக்குவரத்து பாதிப்பு

நேபாளத்தில் ஏற்பட்டுள்ள வெள்ளப்பெருக்கு மற்றும் கனமழையால், சென்னை குரோம்பேட்டையைச் சேர்ந்த ஒரே குடும்பத்தைச் சேர்ந்த 6 பேர் மாயமாகியுள்ளதாக தகவல் வெளியாகியுள்ளது.

நேபாளத்திற்குச் சென்ற குடும்பத்தினர் குறித்து இதுவரை உறுதியான தகவல் கிடைக்காத நிலையில், அவர்களை உடனடியாக மீட்க நடவடிக்கை எடுக்கக் கோரி குரோம்பேட்டையில் உறவினர்கள் மற்றும் பொதுமக்கள் போராட்டத்தில் ஈடுபட்டனர்.

மாயமானவர்களை விரைந்து கண்டறிந்து பாதுகாப்பாக மீட்க வேண்டும் என போராட்டத்தில் வலியுறுத்தப்பட்டது.

இந்த போராட்டம் காரணமாக ஜிஎஸ்டி சாலையில் போக்குவரத்து பாதிக்கப்பட்டது. இதனால் அப்பகுதியில் பரபரப்பு ஏற்பட்டது.

மாயமான 6 பேரின் நிலை குறித்து குடும்பத்தினர் கவலையடைந்துள்ள நிலையில், அவர்களை மீட்கும் பணிகள் தொடர்பான தகவல்களை எதிர்பார்த்து உறவினர்கள் காத்திருக்கின்றனர்.